ប្រកាសស្វែងរកអ្នកស្មាក់ចិត្តជួយបកប្រែកម្មវិធី Ashampoo Burning, កម្មវិធី Ashampoo Burning គឺជាកម្មវិធីប្រើសម្រាប់ធ្វើការ Burn នូវ DVD បានដូច Nero Burning ដែរ។ តែអ្វីដែល Ashampoo Burning ធ្វើបាននោះគឺ វាគាំទ្រនូវភាសាខ្មែរបាន ខុសពី Nero ដែលមិនអាចធ្វើទៅបាន។ ហេតុនេះខ្ញុំសង្ឃឹមក្នុងចិត្តថាប្រាកដជាមានអ្នកដែលស្នេហាស្រលាញ់ភាសាខ្មែរ ចូលរួមជួយគ្នាបកប្រែកម្មវិធីនេះឲ្យបានសម្រេចផង។ សម្រាប់ការបកប្រែនូវកម្មវិធីនេះគឺពុំមានការលំបាកទៅលើពាក្យបច្ចេកទេសនោះទេ ប្រសិនបើអ្នកពុំមែនជាអ្នកឯកទេសខាងផ្នែកកម្មវិធីកុំព្យូទ័រក៏អ្នកអាចចូលរួមបានដោយដែរ ឲ្យតែអ្នកមានចិត្តចង់ជួយអភិវឌ្ឍន៍កម្មវិធីជាមួយខ្ញុំ។ ខ្ញុំសូមធ្វើការអរគុណទុកជាមុនសម្រាប់កូនខ្មែរជំនាន់ ក្រោយសម្រាប់ការចូលរួមដ៏មានប្រយោជន៍របស់អ្នកសម្រាប់ជួយទៅដល់មាតុភូមិដ៏កំសត់របស់យើង។ សូមនាំគ្នាធ្វើអ្វីមួយទុកសម្រាប់ជាកេរមរតកសម្រាប់កូនខ្មែរជំនាន់ក្រោយ។
